Review about 166 Karqo

E

Eldar writes:

Amazon-dan 279.98 ABŞ dolları dəyərində məhsul sifariş etmişdim. Amazon-un izləmə məlumatlarına görə bağlama 10 iyun tarixində saat 04:57-də 166 Cargo-nun ABŞ-dakı anbar ünvanına təhvil verilib. Hətta Amazon tərəfindən təqdim edilmiş "Delivery Photo" da mövcuddur və bağlamanın anbarın "mail room" hissəsinə qoyulduğu görünür. Bağlamam sistemdə görünmədiyi üçün 166 Cargo-ya müraciət etdim. İlk cavabda mənə bağlamanın təhvil alındığı və sistemdə olduğu bildirildi. Daha sonra zəng etdikdə isə bunun səhv olduğunu, bağlamanın başqa məhsulla qarışdırıldığını və əslində təhvil alınmadığını dedilər. O vaxtdan bəri artıq iki həftədən çoxdur ki, eyni vəziyyət davam edir. Hər dəfə zəng etdikdə "araşdırılır", "bu gün sizə məlumat veriləcək", "kamera görüntülərinə baxılır", "geri dönüş olunacaq" kimi cavablar alıram. Ancaq nə geri dönüş edən var, nə də konkret nəticə təqdim olunur. Ən qəribə məqam isə odur ki, əvvəlcə bağlamanın anbara daxil olduğunu təsdiqləyən şirkət sonradan bunun əksini deməyə başladı. Amazon-un təqdim etdiyi təhvil sübutları mövcud olduğu halda bağlamamın harada olduğu barədə heç bir aydın məlumat verilmir. Nəticədə 279.98 ABŞ dolları dəyərində məhsulum ortada yoxdur və məsələ ilə bağlı mənə heç bir həll təqdim edilməyib. Bu təcrübəni paylaşmağımın məqsədi digər müştərilərin də məlumatlı olmasıdır. Mənim yaşadığım hadisədə məsuliyyətli və şəffaf yanaşma görmədim, əksinə davamlı olaraq vaxtın uzadıldığını və məsələnin qeyri-müəyyən saxlanıldığını müşahidə etdim.